Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşi “Bagtyýar nesil” çagalar sagaldyş we dynç alyş merkezinde dynç alýan çagalaryň arasynda “Syrly sowallar” atly bäsleşik geçirdi. Bu çäre çagalaryň tomusky dynç alşynyň täsirli we gyzykly bolmagyny gazanmak, olary höweslendirmek maksady bilen geçirildi. Onda “Bägül” atly gyzlar topary hem-de “Bagtyýar” atly oglanlar topary özara bäsleşdiler. Bäsleşik özüniň ýatda galyjylygy bilen tapawutlandy.
Netije-de, “Bägül” topary berilýän syrly sowallara, tapmaçalara çalasynlyk we takyklyk bilen jogap berip, ýeňiji bolmagy başardy. Ýeňiji topara bäsleşigiň guramaçy guramasy tarapyndan ýadygärlik sowgatlar gowşuryldy.
Gülşirin GAÝYPOWA,
TMÝG-niň Daşoguz welaýatynyň
Akdepe etrap Geňeşiniň esasy hünärmeni.
