Türkmenistanda şu ýylyň ýanwar — iýul aýlarynda bedenterbiýäni, sporty ösdürmek, ussat türgenleri taýýarlamak boýunça işler dowam etdirildi. Hasabat döwründe türkmen türgenleri halkara ýaryşlaryň 115-sine gatnaşyp, jemi 391 (127 altyn, 110 kümüş, 154 bürünç) medala mynasyp boldular. TDH-nyň habar berşi ýaly, bu barada 30-njy awgustda geçirilen Hökümet mejlisinde wise-premýer B.Orazdurdyýewanyň hasabatynda aýdyldy.
Şeýle-de hasabatda bellenilişi ýaly, Aşgabatdaky Olimpiýa şäherçesiniň Tennis toplumy «Tennis boýunça Aziýa sebitiniň okuw-türgenleşik merkezi» diýlip yglan edildi hem-de Aziýanyň Tennis federasiýasy tarapyndan degişli güwänama gowşuryldy.
turkmenportal
31.08.2024ý.
