Ýakynda Lebap welaýatynyň Türkmenabat şäher medeniýet merkezinde Türkmenistanyň Magtymguly adyndaky ýaşlar guramasynyň Lebap welaýat Geňeşi, Welaýat medeniýet müdirligi hem-de Baş Bilim müdirligi bilen bilelikde guramagynda «Sözi paýhas bezär, sazy - sungat» atly aýdym-sazly bäsleşiginiň jemleýji tapgyry geçirildi..
Bäsleşik örän çekeleşikli geçdi bu bäsleşikde emin agzalary tarapyndan çykyş edenlere baha berildi we şeýlelik-de I orna Dänew etrabynyň ýöriteleşdirilen 18-nji orta mekdebiniň 12-nji “B” synp okuwçysy Bahar Baýramowa; II orna Türkmenabat şäheriniň 22-nji orta mekdebiniň 11-nji “Ç” synp okuwçysy Ýakup Myradow; III orna Kerki etrabynyň 20-nji orta mekdebiň 10-njy “A” synp okuwçysy Sungat Agajanow, III orna Halaç etrabynyň 8-nji orta mekdebiniň 12-nji “B” synp okuwçysy Şöhrat Hamidow, III orna Saýat etrabynyň 3-nji orta mekdebiň 10-njy synp okuwçysy Omar Bazarow dagylar mynasyp boldular .
Bäsleşigiň ýeňijilerine we bäsleşige gatnaşyjylara Türkmenistanyň Magtymguly adyndaky Ýaşlar guramasynyň Lebap welaýat Geňeşi tarapyndan gymmat bahaly ýadygärlik sowgatlary hem-de Hormat hatlary gowşuryldy.
Döwletgeldi GUWANJOW,
Türkmenistanyň Magtymguly adyndaky
Ýaşlar guramasynyň Lebap welaýat
Geňeşiniň guramaçylyk bölüminiň müdiri.
