“Awaza” milli syýahatçylyk zolagynda BMG-niň Deňze çykalgasy bolmadyk ösüp barýan ýurtlar boýunça üçünji maslahaty öz işine badalga berdi. Maslahatyň maksady - deňze çykalgasy bolmadyk ösüp barýan ýurtlaryň durmuş-ykdysady ösüşine goldaw bermek we olaryň halkara söwda ulgamyna doly goşulyşmagyny üpjün etmekdir.
Türkmenistan halkara giňişlikde strategik taýdan möhüm ýerde ýerleşýän ýurt hökmünde bu maslahaty geçirmek başlangyjyny öňe sürdi.
Awaza forumynyň çäklerinde birnäçe möhüm mowzuklar boýunça plenar mejlisler, “tegelek stollar” we forumlar geçirilýär. Maslahatda esasy üns berilýän ugurlar şulardan ybarat:
-Ulag we logistika infrastrukturalarynyň döwrebaplaşdyrylmagy,
-Söwda ýolundaky gümrük päsgelçilikleriniň azaldylmagy,
-Maliýe serişdelerine we maýa goýumlara elýeterliligi ýokarlandyrmak,
- Sebitleýin hyzmatdaşlygyň hukuk binýadyny berkitmek,
-Durnukly ösüş maksatlaryna ýetmekde hyzmatdaşlygyň artdyrylmagy.
Awazada geçirilýän bu maslahat ýurdumyzyň halkara derejesindäki ornunyň has-da pugtalanýandygyny görkezýär. Deňze çykalgasy bolmadyk ýurtlaryň ösüş ýolunda Türkmenistanyň döredýän mümkinçilikleri halkara hyzmatdaşlygynyň nusgasy hökmünde kabul edilýär.
Röwşen MAKSATMYRADOW,
Türkmenistanyň Magtymguly adyndaky
Ýaşlar guramasynyň Ahal welaýat Geňeşiniň
Umumy bölüminiň müdiri.
