Ýakynda Türkmenistanyň Magtymguly adyndaky Ýaşlar guramasynyň «Türkmennebit» döwlet konserniniň şahamçasy tarapyndan «Awaza» milli syýahatçylyk zolagyndaky «Arzuw» çagalar sagaldyş we dynç alyş merkezinde tomusky dynç alyş möwsüminde dynç alýan çagalaryň oňat dynç almaklaryny, sagdyn durmuş ýörelgesini öňe sürmeklerini, sport bilen meşgullanmaklaryny hem-de medeni köpçülikleýin çärelere işjeň gatnaşmaklaryny gazanmak maksady bilen «Zemine ýaň salsyn çaga gülküsi» atly şygar astynda sportuň dürli görnüşleri boýunça bäsleşik geçirildi.
Geçirilen bäsleşikde çagalar öz ukyp başarnyklaryny görkezdiler. Bu bolsa çagalaryň tomusky dynç alyş möwsümini ýatdan çykmajak pursatlara besledi. Şowhunly geçen bäsleşikde ýeňiji bolmagy başaran çagalara Türkmenistanyň Magtymguly adyndaky Ýaşlar guramasynyň «Türkmennebit» döwlet konserniniň şahamçasy tarapyndan ýadygärlik sowgatlary gowşuryldy.
Baýramgül ESENOWA,
Türkmenistanyň Magtymguly adyndaky Ýaşlar
Guramasynyň «Türkmennebit» döwlet konserniniň
Şahamçasynyň Guramaçylyk bölüminiň müdiri.
