Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Balkanabat şäher Geňeşi tarapyndan «Awaza» milli syýahatçylyk zolagyndaky «Arzuw» çagalar dynç alyş we sagaldyş merkezinde dynç alýan çagalaryň arasynda tomusky dynç alyş möwsüminde çagalaryň oňat dynç almaklaryny, medeni-köpçülik çärelere işjeň gatnaşmaklaryny gazanmak we sporta höweslendirmek maksady bilen, çagalaryň arasynda «Gül Diýaryň gül-gunçasy balalar» atly şygar astynda sportuň woleýbol görnüşi boýunça bäsleşik geçirildi.
Geçirilen bäsleşige çagalar uly höwes bilen gatnaşdylar. Bäsleşikde ýeňiji bolan çagalara Türkmenistanyň Magtymguly adyndaky Ýaşlar guramasynyň Balkan welaýatynyň Balkanabat şäher Geňeşi tarapyndan ýadygärlik sowgatlary gowşuryldy.
Aýgül IŞANMÄMMEDOWA,
Türkmenistanyň Magtymguly adyndaky Ýaşlar guramasynyň
Balkan welaýatynyň Balkanabat şäher Geňeşiniň Guramaçylyk
bölüminiň sanly ulgam boýunça esasy hünärmeni.
