Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň guramagynda Halkara parahatçylyk we ynanyşmak ýylynyň 5 – 8-nji awgusty aralygynda «Awaza» milli syýahatçylyk zolagynda geçirilen Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatyndan gelip çykýan wezipeleri wagyz etmek maksady bilen maslahat duşuşygy geçirildi.
Saçly Dursunowa adyndaky Arkadag şäher lukmançylyk orta hünär okuw mekdebinde geçirilen bu maslahata Arkadag şäheriniň edara-kärhanalarynda zähmet çekýän raýatlar gatnaşdylar. Maslahaty Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň bölüm müdiri Umyda Kakaýewa alyp baryp, bu foruma gatnaşyjylar – Türkmenistanyň Mejlisiniň deputaty Enejan Ataýewa, Türkmenistanyň Demokratik partiýasynyň Arkadag şäheriniň komitetiniň partiýa guramaçysy Ogulnur Annadurdyýewa, Türkmenistanyň Senagatçylar we telekeçiler partiýasynyň Arkadag şäheriniň komitetiniň başlygy Arslan Täşliýew, Türkmenistanyň Agrar partiýasynyň Arkadag şäheriniň komitetiniň bölüm müdiri Mekan Ataýew hem-de Arkadag şäheriniň Maliýe müdirliginiň hünärmeni Parahat Meretliýew dagy çykyş etdiler. Olaryň çykyşlarynda Gahryman Arkadagymyzyň hem-de Arkadagly Gahryman Serdarymyzyň taýsyz tagallalary bilen üstünlikli durmuşa geçirilýän ýurdumyzyň daşary syýasaty hem-de Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynyň çäginde geçirilen parlament forumy, Zenan ýolbaşçylaryň duşuşygy, Ýaşlar forumy, Raýat jemgyýeti forumy, Günorta-Günorta hyzmatdaşlygy we maslahatyň çäginde guralan dost-doganlyk çäreleri hem-de bu ýerde gurnalan täsirli sergiler barada täsirli gürrüňler edildi. Şeýle hem maslahatyň dowamynda maslahata gatnaşyjylar özlerini gyzyklandyrýan sowallar bilen ýüzlenip, kanagatlanarly jogaplary aldylar.
Umyda KAKAÝEWA,
Türkmenistanyň Magtymguly adyndaky
Ýaşlar guramasynyň Arkadag şäheriniň
Geňeşiniň bölüm müdiri.
