Ýakynda Lebap welaýatynyň Taryhy we ülkäni öwreniş muzeýinde Türkmenistanyň Magtymguly adyndaky Ýaşlar guramasynyň Lebap welaýatynyň Saýat we Çärjew etrap hem-de Türkmenabat şäher Geňeşleriniň guramagynda 4-8-nji awgustynda “Awaza” milli syýahatçylyk zolagynda BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň üstünlikli geçirilendigi mynasybetli “Awaza — dostluk mekany” ady bilen söhbetdeşlik duşuşygy geçirildi.
Duşuşykda çykyş edenler şu ýylyň awgust aýynyň 4-8-i aralygynda geçirilen BMG-niň deňze çykalgasy bolmadyk ösüp barýan ýurtlar boýunça üçünji maslahatynyň ýurtlaryň ykdysadyýetini güýçlendirmekde, dost-doganlyk gatnaşyklaryny berkitmekde, Watanymyzyň halkara derejesindäki abraýyny belende götermekde, halkara we sebit söwda gatnaşyklaryny giňeltmekde uly orun eýeländigi dogrusynda giňişleýin gürrüň etdiler.
Söhbetdeşligiň ahyrynda oňa gatnaşanlar ata Watanymyzy parahatçylygyň, ösüşiň we döredijiligiň ýoly bilen ynamly öňe alyp barýan Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Güljan DÖWRANOWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Saýat etrap Geňeşiniň Guramaçylyk
bölüminiň baş hünärmeni.
