Golaýda Türkmenistanyň Magtymguly adyndaky Ýaşlar guramasynyň Lebap welaýatynyň Hojambaz, Saýat we Çärjew etraplarynyň Geňeşleriniň bilelikde guramagynda Hojambaz etrap bilim bölüminde “Halk maslahaty — halk bähbitli çözgütler” ady bilen tegelek stol söhbetdeşligi geçirildi.
Duşuşygyň dowamynda Türkmenistanyň Halk maslahatynyň Garaşsyz, baky Bitarap Watanymyzyň gadymdan gelýän demokratik ýörelgelere, saýlap alan döredijilikli ýoluna ygrarlydygy we halkymyz tarapyndan giň goldawa eýedigi barada çykyşlar diňlenildi.
Söhbetdeşlik duşuşygynyň ahyrynda oňa gatnaşanlar türkmen halkynyň bagtyýar durmuşda ýaşamagy ugrunda ähli mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Gunça SAPAROWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Hojambaz etrap Geňeşiniň Guramaçylyk
bölüminiň baş hünärmeni.
