Ýakynda Türkmenistanyň Magtymguly adyndaky Ýaşlar guramasynyň Lebap welaýatynyň Çärjew etrap Geňeşiniň, etrap häkimliginiň, etrabyň hukuk goraýjy edaralarynyň hem-de beýleki jemgyýetçilik guramalarynyň bilelikde guramagynda etrabyň 63-nji orta mekdebiniň maslahatlar zalynda Türkmenistanyň Halk Maslahatyna görülýän taýýarlygy we onuň ähmiýetini ýaşlara wagyz etmek maksady bilen «Milli demokratik ýörelgelerimize ygrarly ýaşlar» atly wagyz-nesihat duşuşygy geçirildi.
Duşuşykda çykyş edenler Garaşsyzlygyň binýadyny emele getirýän esasy gymmatlyklaryň hatarynda halkyň we Watanyň birligi esasy orun eýeleýändigini, Türkmenistanyň Halk Maslahatynyň hem şol birligiň amal edilmesidigini, halkyň bolsa öz tutanýerli zähmeti we egsilmez hyjuwy bilen jemgyýeti, şeýle hem döwleti kämilleşdirýändigini aýratyn belläp geçdiler.
Duşuşykda edilen çykyşlar ýaşlaryň aňynda ýatdan çykmajak täsir galdyrdy.
Serdar JUMAMYRADOW,
Türkmenistanyň Magtymguly adyndaky
Ýaşlar guramasynyň Lebap welaýatynyň
Çärjew etrap Geňeşiniň başlygy.
