Golaýda Türkmenistanyň Magtymguly adyndaky Ýaşlar guramasynyň Balkan welaýat Geňeşiniň gurnamagynda Balkan welaýat kitaphanasynda täze taryhy eýýamda nurana geljege tarap ynamly alyp barýan türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň taýsyz tagallalary netijesinde Garaşsyz, baky Bitarap Watanymyzyň gülläp ösmegine, halkymyzyň bagtyýar durmuşda ýaşamagyna gönükdirilen beýik tutumlary, şeýle hem ýurdumyzda geçirilen Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynyň ähmiýetini edara-kärhanada zähmet çekýän ýaşlaryň arasynda düşündirmek maksady bilen maslahat duşuşygy geçirildi.
Maslahatda çykyş edenler «Awaza» milli syýahatçylyk zolagynda ýokary guramaçylykda, baýramçylyk ruhunda geçirilip, Halkara parahatçylyk we ynanyşmak ýylynyň taryhy wakasyna öwrülen Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynda alynan çözgütlerini giňişleýin beýan etdiler.
Maslahadyň ahyrynda çykyş edenler tutuş dünýä ýüzüne parahatlyk mukamy bolup dolýan Bitarap Türkmenistan Watanymyzyň, agzybir halkymyzyň abraý-mertebesini täze belentliklere göterýän türkmen halkynyň Milli Lideri Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolup, il-ýurt bähbitli tutumlary işleriniň hemişe rowaçlyklara beslenmegini arzuw etdiler!
Ennebike ANNAGELDIÝEWA,
Türkmenistanyň Magtymguly adyndaky Ýaşlar guramasynyň
Balkan welaýat Geňeşiniň Umumy bölüminiň müdiri.
