Ýakynda Aşgabat şäheriniň Bagtyýarlyk etrap häkimliginiň, Türkmenistanyň Demokratik Partiýasynyň Bagtyýarlyk etrap komitetiniň, Türkmenistanyň Magtymguly adyndaky Ýaşlar guramasynyň Aşgabat şäheriniň Bagtyýarlyk etrap Geňeşiniň bilelikde guramagynda etrap häkimliginiň mejlisler zalynda etrabyň çäginde zähmet çekýän ýaş hünärmenleriň gatnaşmagynda BMG-niň Deňze çykalgasy bolmadyk ösüp barýan döwletler boýunça üçünji maslahatyň üstünlikli geçirilmegi mynasybetli wagyz-nesihat çäresi geçirildi.
Çärede çykyş edenler Berkarar döwletiň täze eýýamynyň Galkynyşy döwründe, «Halkara parahatçylyk we ynanyşmak» ýylynyň 4–8-nji awgustynda «Awaza» milli syýahatçylyk zolagynda geçirilen BMG-niň Deňze çykalgasy bolmadyk ösüp barýan döwletler boýunça üçünji maslahatynyň taryhy ähmiýeti barada giňişleýin söhbet etdiler.
Şeýle hem maslahatyň ýokary derejede guralyp, onuň çäklerinde syýasy-diplomatik, söwda-ykdysady we medeni-ynsanperwer ugurlarda köp sanly çäreleriň geçirilendigi aýratyn bellenildi.
Çäräniň ahyrynda oňa gatnaşanlar Watanymyzyň gülläp ösmegi, goňşuçylyk, dost-doganlyk gatnaşyklarynyň pugtalandyrylmagy ugrunda giň gerimli işleri durmuşa geçirýän türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Serdar NAZAROW,
Türkmenistanyň Magtymguly adyndaky Ýaşlar guramasynyň
Aşgabat şäheriniň Bagtyýarlyk etrap Geňeşiniň
Guramaçylyk bölüminiň müdiri
