Ýurdumyzda ýaş nesliň çäksiz alada we söýgi bilen gurşalyp alnandygyna, olaryň bagtyýarlygy ugrunda giň göwrümli işleriň amala aşyrylýandygyna paýtagtymyzdaky Türkmenistanyň Söwda-senagat edarasynda üstünlikli geçirilen «Kids Ekspo: ähli zat çagalar üçin» atly halkara sergi-ýarmarkasy hem aýdyň görkezdi.
Giň göwrümli sergi-ýarmarkasyna ýurdumyzyň ministrliklerinden we pudaklaýyn dolandyryş edaralaryndan, şeýle hem daşary ýurtlardan wekilleriň gatnaşyp, özleriniň mümkinçiliklerini görkezmegi has-da uly gyzyklanma döretdi.
Çagalara niýetlenen harytlar we olar üçin hyzmatlar, çagalar üçin öwrediji gollanmalaryň we kitaplaryň söwdasy hem-de beýleki köp sanly gyzykly çäreleriň sergi-ýarmarkasynyň mazmunyny baýlaşdyrandygyny bellemek diýseň ýakymly.
Bu halkara çäre Gahryman Arkadagymyzyň we Arkadagly Gahryman Serdarymyzyň tagallalary netijesinde ýurdumyzda bagtyýar çagalar, olaryň nurana geljegi üçin ähli şertleriň döredilýändiginiň güwäsi bolup durýar.
Akmyrat TOÝÇYÝEW,
Türkmenistanyň Magtymguly adyndaky Ýaşlar guramasynyň
Ahal welaýatynyň Babadaýhan etrap Geňeşiniň başlygy.
