Şu gün Aba Annaýew adyndaky Halkara atçylyk akademiýasynda Arkadag şäheriniň häkimliginiň, Arkadag şäheriniň jemgyýetçilik guramalarynyň hem-de syýasy partiýalarynyň bilelikde guramagynda Türkmenistanyň Halk Maslahatynyň nobatdaky Mejlisiniň üstünlikli geçmegi mynasybetli hoşallyk maslahaty geçirildi. Onda ýurdumyzyň içeri we daşary syýasatynda gazanylýan üstünlikler, şol sanda Arkadag şäheriniň döwrebap ösüşleri bilen bagly täsirli söhbetler edildi. Şeýle hem halk bähbidini öňe sürüp, durmuşa geçirýän beýik özgertmeleri üçin Gahryman Arkadagymyza hem-de Arkadagly Gahryman Serdarymyza tüýs ýürekden çykýan alkyş sözleri beýan edildi.
Dabaranyň dowamynda Arkadag şäheriniň ussat medeniýet we sungat işgärleriniň aýdym-sazly çykyşlary ýerine ýetirildi.
Umyda KAKAÝEWA,
Türkmenistanyň Magtymguly adyndaky Ýaşlar guramasynyň
Arkadag şäheriniň Geňeşiniň bölüm müdiri.
