.jpg)
Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Bagtyýarlyk etrap Geňeşiniň Bagtyýarlyk etrap häkimligi bilen bilelikde guramagynda Aşgabat şäheriniň ýöriteleşdirilen 141-nji orta mekdebiniň mejlisler zalynda ýokary synp okuwçylaryň gatnaşmagynda «Ýol hereketiniň howpsuzlygy — ömrümiziň rahatlygy» atly biraýlygyň çäklerinde ýaşlaryň arasynda kanun bozulmalaryň öňüni almak, sagdyn durmuş we milli ahlak ýörelgelerini ýaýbaňlandyrmak maksady bilen wagyz-nesihat duşuşygy geçirildi. Duşuşygyň dowamynda ýaş nesilleriň saglygyna temmäki önümleriniň we beýleki zyýanly endikleriň ýaramaz täsirini, ýol hereketiniň kadalaryny berjaý etmegiň zerurlygyny düşündirmäge gönükdirilen çykyşlara giň orun berildi.
Çäräniň ahyrynda oňa gatnaşanlar ýaş nesilleriň beden we ruhy taýdan sagdyn, giň dünýägaraýyşly, kämil şahsyýetler bolup ýetişmegi ugrunda giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Altyn DURDYÝEWA,
Türkmenistanyň Magtymguly adyndaky Ýaşlar guramasynyň
Aşgabat şäheriniň Bagtyýarlyk etrap Geňeşiniň
Guramaçylyk bölüminiň baş hünärmeni.
