Golaýda Türkmenistanyň Magtymguly adyndaky Ýaşlar guramasynyň Ahal welaýatynyň Sarahs etrap Geňeşiniň we etrabyň beýleki jemgyýetçilik guramalarynyň bilelikde guramagynda etrabyň 21-nji orta mekdebiniň mejlisler jaýynda «Zenan gözelligi edebinde» atly wagyz-nesihat duşuşygy geçirildi.
Hormatly Prezidentimiziň ýurdumyzda ýaşlar syýasatyny durmuşa geçirmek baradaky işleri kämilleşdirmek boýunça beren tabşyrygyndan ugur alyp, ýaşlarda watançylyk duýgularyny ösdürmek, milli däp-dessurlarymyza, ene-mamalarymyzdan miras galan el işlerine söýgi döretmek, maşgala mukaddesligini, edep-terbiýe kadalaryny wagyz etmek maksady bilen geçirilen duşuşyga ýokary synp okuwçy gyzlar gatnaşdylar. Çäräniň dowamynda hormatly Prezidentimiziň taýsyz tagallalary bilen ýurdumyzda durmuşa geçirilýän taryhy özgertmeler, eziz Diýarymyzyň ýeten belent sepgitleri, pederlerimizden, ene-mamalarymyzdan miras galan milliligimiz, däp-dessurlarymyz, maşgala mukaddesligi baradaky çykyşlara giň orunlar berildi. Aýdylan gymmatly öwüt-ündewler ýaşlarda uly täsirleri döretdi.
Duşuşygyň ahyrynda oňa gatnaşanlar ajaýyp zamanamyzda ýaş nesilleriň watansöýüji, giň gözýetimli, kämil şahsyýetler bolup ýetişmekleri ugrunda giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna çäksiz alkyş sözlerini beýan etdiler.
Zübeýda GARAJAÝEWA,
Türkmenistanyň Magtymguly adyndaky Ýaşlar
guramasynyň Ahal welaýatynyň Sarahs etrap Geňeşiniň
Guramaçylyk bölüminiň sanly ulgam boýunça esasy hünärmeni.
