Golaýda Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşiniň etrap bilim bölümi bilen bilelikde guramagynda ýurdumyzyň umumy bilim berýän orta mekdepleriniň 3-5-nji synplarynda okaýan oglanlaryň arasynda yglan edilen “Merdana nesil — 2025” atly şadyýan bäsleşiginiň etrap tapgyry geçirildi.
Bäsleşige gatnaşyjylar bäsleşigiň şertlerine laýyklykda özleriniň ukyp-başarnyklaryny görkezdiler. Çekeleşikli geçen bäsleşikde eminleriň adalatly baha bermeginde etrabyň 20-nji orta mekdebiniň 5-nji synp okuwçysy Ybraýym Muhammetgurbanow 1-nji, etrabyň çagalar we ýetginjekler döredijilik öýüniň gurnak agzasy Aly Agamyradow 2-nji orunlara mynasyp boldular we olar bäsleşigiň welaýat tapgyryna gatnaşmaga hukuk gazandylar. Ýeňijilere we gatnaşyjylara Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşi tarapyndan Hormat hatlary we ýadygärlik sowgatlary dabaraly ýagdaýda gowşuryldy.
Bäsleşigiň ahyrynda ýaş nesilleriň döwrebap bilim almagy, döredijilik bilen meşgullanmagy ugrunda giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Ajaýyp ORAZMUHAMMEDOWA,
Türkmenistanyň Magtymguly adyndaky Ýaşlar guramasynyň
Mary welaýatynyň Tagtabazar etrap Geňeşiniň
Guramaçylyk bölüminiň esasy hünärmeni.
