Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşiniň Daşoguz welaýat Baş bilim müdirligi bilen bilelikde guramagynda «Ýol hereketiniň howpsuzlygy-ömrümiziň rahatlygy» atly şygar bilen biraýlygyň çäklerinde geçirilýän mekdep okuwçylarynyň arasynda «Ýaşyl yşyk» ady bilen bäsleşik geçirildi.
Daşoguz şäherindäki daşary ýurt dillerine ýöriteleşdirilen 28-nji orta mekdebinde guralan bu bäsleşigiň esasy maksady mekdep okuwçylarynyň ýol hereketiniň düzgün-kadalary boýunça sowatlylygyny ýokarlandyrmakdan we bu ugurdaky düşünjelerini doly açyp görkezmekden ybarat boldy. Gyzykly geçen bäsleşik ýol hereketiniň ýaş gözegçileriniň arasyndan iň başarjaň toparlary ýüze çykardy. Bäsleşigiň ahyrynda gatnaşan çagalara Türkmenistanyň Magtymguly adyndaky Ýaşlar guramasynyň ýerli Geňeşi tarapyndan ýadygärlik sowgatlary gowşuryldy.
Çynar MÄMEDOWA,
TMÝG-niň Daşoguz welaýatynyň Daşoguz şäher
Geňeşiniň guramaçylyk bölüminiň müdiri.
