ENE HORMATY
Ylym-bilimi örän ýetik bir danadan:
– Eý, dana, jahanda Taňrydan ýalkawly, iň hormatly ynsan kimdir?! – diýip sorapdyrlar. Ol pikirlenmezden:
– Ene – diýip jogap beripdir. Oňa ikinji gezek ýene şol soragy beripdirler. Dana ýene-de öňki jogabyny beripdir.
– Soňra kim? – diýip, danadan üçünji gezek hem sorapdyrlar. Ol:
– Ata – diýip jogap beripdir. Dünýäniň tükeniksiz syrlaryndan habarly dananyň jogaby adamlary oýlandyrypdyr. Şonuň üçindir, bu sowal soň-soňlaram gaýtalanypdyr. Asyrlar geçse-de, dünýäniň manysyny tirýän danalaryň jogaby üýtgemändir. Ol häzir hem şeýle.
