Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşiniň guramagynda, BMG-niň bilim, ylym we medeniýet barada guramasynyň (ÝUNESKO-nyň) Assosirlenen mekdepleriniň toruna girizilen Daşoguz şäherindäki iňlis dili, himiýa we biologiýa dersleri çuňlaşdyrylyp öwredilýän 26-njy orta mekdep “Ylymly-bilimli ýaşlar ata Watanyň daýanjy” ady bilen, informatika dersi boýunça bäsleşik geçirildi. Oňa mekdebiň 7 – 12-nji synp aralygynda bilim alýan zehinli okuwçylary işjeň gatnaşdylar. Ýokary guramaçylyk ýagdaýynda geçen bäsleşigiň netijesine görä, mekdebiň 12-nji synpyň okuwçylary Sumbar Geldiýew 1-nji, Zebo Rozmetowa 2-nji, 7-nji synpyň okuwçysy Sakinahan Matrizaýewa 3-nji orunlara mynasyp boldular. Ýeňijilere Ýaşlar guramasynyň ýerli Geňeşiniň adyndan ýadygärlik sowgatlar gowşuryldy.
Ýazjemal BAZAROWA,
TMÝG-niň Daşoguz welaýatynyň
Daşoguz şäher Geňeşiniň esasy hünärmeni.
