Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň S.Türkmenbaşy etrap Geňeşi, sagdyn durmuş ýörelgelerini ündemek, ýokanç we ýokanç däl keselleriň öňüni almak, maşgala mukaddesligini we milli ýol-ýörelgelerimizi wagyz etmek maksady bilen, etrabyň 94-nji orta mekdebinde «Sagdyn maşgala – sagdyn jemgyýet» atly wagyz-nesihat çäresini geçirdi. Duşuşykda edilen çykyşlarda milli ýol-ýörelgelerimiz we däp-dessurlarymyz, edep-ekram, görüm-görelde, maşgala mukaddesligi, ýaşlaryň ýaramaz endiklerden daşda durmaklary, ýol-ulag hereketiniň kadalary, terbiýeçilik işiniň ähmiýeti we onuň berýän netijeleri, ynsanperwer ýörelgeler, ýaşlaryň eziz Watanymyzyň ösüşlerine goşýan uly goşantlary dogrusynda giňişleýin bellenildi.
Serwi AMANOWA,
TMÝG-niň Daşoguz welaýatynyň
S.Türkmenbaşy etrap Geňeşiniň esasy hünärmeni.
