Golaýda Türkmenistanyň Magtymguly adyndaky Ýaşlar guramasynyň Daşoguz welaýat Geňeşi, Daşoguz şäheriniň Bagtyýar zaman oba medeniýet öýünde Türkmenistanyň Magtymguly adyndaky Ýaşlar guramasynyň döredilen güni mynasybetli, «Gahryman Arkadagyň ýoly ýaşlar üçin ýörelge, Arkadagly Gahryman Serdarymyz biz ýaşlara görelde» atly aýdym-sazly baýramçylyk çäresini geçirdi. Oňa guramanyň welaýat, şäher, etrap Geňeşleriniň işgärleri, Ýaşlar baýragynyň ýeňijileri, ýaş alymlar, talyp we dürli pudaklarda zähmet çekýän öňdebaryjy ýaşlar gatnaşdylar. Dabarada Magtymguly adyndaky Ýaşlar guramasynyň döredilmeginiň 33 ýyllygy mynasybetli buýsançly gutlag çykyşlary diňlenildi. Baýramçylyk ruhunda geçen çärede Daşoguz şäher medeniýet merkeziniň medeniýet-sungat ussatlarynyň ýerine ýetiren ajaýyp aýdym-saz we tans çykyşlary oňa gatnaşanlara ýatdan çykmajak duýgulary paýlady. Şeýle-de, guramanyň aýratyn tapawutlanan işgärlerine we işjeň agzalaryna çäräni guraýjy gurama tarapyndan ýadygärlik sowgatlar dabaraly ýagdaýda gowşuryldy.
Nurýagdy GALPAKOW,
TMÝG-niň Daşoguz welaýat
Geňeşiniň baş hünärmeni.
