Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Daşoguz şäher Geňeşi, Daşoguz şäheriniň çagalar çeperçilik mekdebinde bilim alýan ýaşlaryň arasynda baky Bitaraplygymyzyň 29 ýyllygy mynasybetli, “Bitaraplyk baýramy – parahatlyk aýdymy” atly şygar astynda sergi bäsleşigini geçirdi. Bäsleşik bir tapgyrda geçirilip, oňa gatnaşan eserlerde Watanymyzyň gözelligi, Garaşsyz, Bitarap ýurdumyzyň asuda-parahatlygy, halkymyzyň ruhy dünýäsi, medeni mirasy we häzirki taryhy döwürde ýetilen sepgitler giňden wasp edildi.
Netije-de, 1-nji synp okuwçy Bibipatma Mämmedowa, 2-nji synp okuwçy Leýli Orazgeldiýewa, 3-nji synp okuwçy Gülnäzik Tozanlyýewa, 4-nji synp okuwçy Şahlo Žasurbekowa dagylar 1-nji orna, 1-nji synp okuwçy Çaraz Rawşanowa, 2-nji synp okuwçy Hatyça Hudaýbergenowa, 3-nji synp okuwçy Mylaýym Karajanowa, 4-nji synp okuwçy Mähriban Aşyrowa dagylar 2-nji orna, 1-nji synp okuwçy Roza Saidowa, 2-nji synp okuwçy Suleýman Jabbarow, 3-nji synp okuwçy Begzad Matýakubow, 4-nji synp okuwçy Meňli Ödebaýewa dagylar 3-nji orna mynasyp boldular. Sergi bäsleşiginiň ýeňijilerine Ýaşlar guramasynyň ýerli Geňeşiniň Hormat hatlary hem-de ýadygärlik sowgatlary gowşuryldy.
Arazgül MÄMEDOWA,
TMÝG-niň Daşoguz welaýatynyň
Daşoguz şäher Geňeşiniň uly buhgalteri.
