.jpg)
Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşi, etrabyň «Bagt köşgi» toý mekanynda edara-kärhanalarda dürli kärlerde zähmet çekýän öňdebaryjy ýaşlaryň gatnaşmagynda, «Hoş geldiň Täze ýyl, Galkynyşly Diýara» atly aýdym-sazly baýramçylyk dabarasyny geçirdi. Dabarada etrabyň medeniýet işgärleri Berkarar döwletimiziň täze eýýamynyň Galkynyşy döwrüni, «Pähim-paýhas ummany Magtymguly Pyragy» ýylyny, ýurdumyzda ýetilen belent sepgitleri, bagtly çagalygy, bagtyýar ýaşlygy, Täze ýyl baýramyny wasp edýän şirin owazly aýdym-sazlary ýerine ýetirdiler. Dürli bäsleşiklerde ýeňiş gazanan çagalaryň, çagalar aýdym-saz toparlarynyň ýerine ýetiren ajaýyp aýdym-sazlary baýramçylyk dabarasyna aýratyn öwüşgin çaýdy.
Sülgün PIRIÝEWA,
TMÝG-niň Daşoguz welaýatynyň
Akdepe etrap Geňeşiniň bölüm müdiri.
