Ýakynda Türkmenistanyň jemgyýetçilik guramalarynyň Merkezi binasynda Türkmenistanyň Magtymguly adyndaky Ýaşlar guramasynyň Gulbaba adyndaky çagalar baýragynyň eýesi diýen hormatly ada mynasyp bolan çagalary sylaglamak dabarasy geçirildi. Bu hormatly ada Daşoguz welaýatynyň Daşoguz şäherinden mynasyp bolan çagalaryň ýürek buýsançlaryny size ýetirmegi makul bildik:
Dilber HUPBYÝEWA,
Daşoguz şäheriniň daşary ýurt dillerine
ýöriteleşdirilen 7-nji orta mekdebiniň 5-nji synp okuwçysy,
Gulbaba adyndaky çagalar baýragynyň eýesi:
Türkmenistanyň Magtymguly adyndaky Ýaşlar guramasynyň Gulbaba adyndaky çagalar baýragynyň gowşurylmagy hakydamda baky orun aljak, bagtly pursatlary bagyş etdi. Ýurdumyzyň zehinli, öňdebaryjy, ukyp-başarnykly çagalarynyň arasynda adymyň tutulmagy, diýseň ýakymly duýgy. Bu abraýly baýraga mynasyp bolmak bagtynyň maňa nesip edenine begenjimiň, buýsanjymyň çägi ýok. Bizi ajaýyp günleriň gujagynda ýaşadýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!
Meýlis ATAMYRADOW,
Daşoguz şäheriniň daşary ýurt dillerine
ýöriteleşdirilen 25-nji orta mekdebiniň 6-njy synp okuwçysy,
Gulbaba adyndaky çagalar baýragynyň eýesi:
Her bir güni bagtyýarlyga beslenýän Watanymyzyň şu güni meni hem bagtdan paýly etdi. Sebäbi bu gün maňa Türkmenistanyň Magtymguly adyndaky Ýaşlar guramasynyň Gulbaba adyndaky çagalar baýragynyň eýesi bolmak miýesser etdi. Munuň üçin meniň begenjim, buýsanjym çäksiz. Gahryman Arkadagymyzyň, Arkadagly Gahryman Serdarymyzyň aladalary netijesinde, ýurdumyzda ýaş nesle berilýän üns, döredilýän mümkinçilikler günbe-günden artýar. Şu ajaýyp pursatda biziň üçin giň mümkinçilikleri döredip berýän Gahryman Arkadagymyza, Arkadagly Gahryman Serdarymyza tüýs ýüregimden sagbolsun aýdýaryn!
Halmyrat HOJAMOW,
Daşoguz şäheriniň daşary ýurt dillerine
ýöriteleşdirilen 10-njy orta mekdebiniň 10-njy synp okuwçysy,
Gulbaba adyndaky çagalar baýragynyň eýesi:
“Halkara parahatçylyk we ynanyşmak ýylynyň” ilkinji günleri meniň durmyşymda ýatdan çykmajak günleriň biri boldy. Türkmenistanyň Magtymguly adyndaky Ýaşlar guramasynyň Gulbaba adyndaky çagalar baýragynyň eýesi diýen hormatly adyň berilmegi göwün guşumy ganatlandyrdy, Watanymyzyň goýnunda ýaşamak, okamak, döredijilik bilen meşgullanmak uly bagt. Bizi ýagşy ertirlere tarap alyp barýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, döwletli tutumlary elmydama rowaç alsyn!
Nurjemal ÝUSUPOWA,
Daşoguz şäheriniň daşary ýurt dillerine
ýöriteleşdirilen 10-njy orta mekdebiniň 10-njy synp okuwçysy,
Gulbaba adyndaky çagalar baýragynyň eýesi:
Her bir güni toýdur baýramlara beslenýän ata Watanymyzda meniň Türkmenistanyň Magtymguly adyndaky Ýaşlar guramasynyň Gulbaba adyndaky çagalar baýragynyň eýesi diýen hormatly ada mynasyp bolmagym, depämi göge ýetirdi. Şu ajaýyp pursatda Gahryman Arkadagymyza, Arkadagly Gahryman Serdarymyza biz – ýaş nesiller üçin döredip berýän giň mümkinçiliklerine jogap hökmünde mundan beýläk hem yhlasly okap, täze-täze eserleri döredip, aslymyza wepaly ýaşlar bolup ýetişjekdigimize ynandyrasym gelýär.
Jennet GULMYRADOWA,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Daşoguz şäher Geňeşiniň esasy hünärmeni.
