Golaýda Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň guramagynda etrabyň 1-nji çagalar bagynda «Berkarar döwletiň bagtyýar nesilleri» atly surat çekmek boýunça bäsleşik geçirildi.
Bäsleşige çagalar bagynyň körpejeleri gatnaşdylar. Olar özleriniň ukyp-başarnyklaryny çeken suratlarynyň üsti bilen açyp görkezdiler. Suratlarda bagtyýar çagalygyň, gözel tebigatyň waspy ýetirildi. Bäsleşikde Aýläle Baýramgeldiýewa 1-nji, Begenç Annamuhammedow 2-nji, Gülaýym Annamyradowa 3-nji orunlara mynasyp boldular. Ýeňiji bolan çagalara Türkmenistanyň Magtymguly adyndaky Ýaşlar guramasynyň Sakarçäge etrap Geňeşi tarapyndan höweslendiriji sowgatlary gowşuryldy.
Çäräniň ahyrynda oňa gatnaşanlar ýurdumyzy bagtyýar çagalygyň mekanyna öwüren Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Laçyn KAKAJANOWA,
Türkmenistanyň Magtymguly adyndaky
Ýaşlar guramasynyň Mary welaýat Geňeşiniň
Umumy bölüminiň müdiri.
