Golaýda Balkan welaýat häkimliginiň, Türkmenistanyň Magtymguly adyndaky Ýaşlar guramasynyň Balkan welaýat Geňeşiniň we beýleki jemgyýetçilik guramalarynyň bilelikde guramaklarynda Balkan welaýat häkimliginiň mejlisler jaýynda dabaraly maslahat duşuşygy geçirildi.
Çärä Ýaşlar guramasynyň ýerli Geňeşiniň wekilleri, Geňeşiň düzümindäki Ilkinji Ýaşlar guramalarynyň başlyklary, işjeň agzalary we il sylagly ýaşulular gatnaşdylar. Dabaraly maslahatda «Halkara parahatçylyk we ynanyşmak ýylynyň» şygaryny dabaralandyrmak, täze ýylda ýaşlar bilen alnyp barylmaly işlere badalga bermek, Arkadagly Gahryman Serdarymyzyň «Magtymguly – dünýäniň akyldary» atly kitabynyň baý many-mazmuny, bu eserleriň halk tarapyndan gyzgyn garşylanyşy dogrusynda giňişleýin we täsirli çykyşlar etdiler. Şeýle hem dabaraly maslahatyň dowamynda medeniýet we sungat ussatlarynyň ýerine ýetiren aýdym-sazly çykyşlary dabara gatnaşyjylarda aýratyn täsir galdyryp, olara ruhy lezzet paýlady.
Duşuşygyň ahyrynda oňa gatnaşanlar ýaşlar hakynda uly aladalar edýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
Gözel SAPARMÄMMEDOWA,
Türkmenistanyň Magtymguly adyndaky
Ýaşlar guramasynyň Balkan welaýat Geňeşiniň
Guramaçylyk bölüminiň müdiri.
