Golaýda Balkan welaýat kitaphanasynda Watan goragçylarynyň güni mynasybetli Türkmenistanyň Magtymguly adyndaky Ýaşlar guramasynyň Balkan welaýat Geňeşiniň beýleki jemgyýetçilik guramalary hem-de welaýatyň harby we hukuk goraýjy edaralary bilen bilelikde guramagynda «Watan goragy mukaddesdir» atly şygar astynda dabaraly maslahat geçirildi.
Duşuşygyň barşynda çykyş edenler hormatly Prezidentimiziň parasatly baştutanlygynda ýurdumyzda gazanylýan üstünlikler, ýetilýän belent sepgitler, harby ulgamyň kuwwatyny ýokarlandyrmakda durmuşa geçirilýän netijeli işler dogrusynda giňişleýin gürrüň etdiler. Çäräniň dowamynda ýurdumyzyň ýaş harby we hukuk goraýjy edaralarynyň öňdebaryjy işgärlerine Türkmenistanyň Magtymguly adyndaky Ýaşlar guramasynyň Balkan welaýat Geňeşiniň adyndan ýadygärlik sowgatlary gowşuryldy.
Duşuşygyň ahyrynda oňa gatnaşanlar Diýarymyzyň gülläp ösmegi ugrunda taýsyz tagallalary edýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Rejepmämmet GAÝYPOW,
Türkmenistanyň Magtymguly adyndaky
Ýaşlar guramasynyň Balkan welaýat Geňeşiniň
Guramaçylyk bölüminiň sanly ulgam boýunça
esasy hünärmeni.
