Watan goragçylarynyň gününiň bosagasynda Balkan welaýatynyň Balkanabat şäherinde Balkan welaýat polisiýa müdirliginiň işgärleri üçin Balkanabat şäheriniň 6-njy kiçi etrapçasynda ähli amatlyklary bolan 2 sany 4 gatly ýaşaýyş jaýy açylyp ulanylmaga berildi. Munuň özi, şäheriň ilatynyň şatlygyny goşalandyran waka öwrüldi. Bu dabara şäheriň ýaşlary uly joşgun bilen gatnaşdylar.
Dabarada çykyş edenler ähli amatlyklary bolan bu jaýlaryň gurluşygynda ýurdumyzda öndürilýän gurluşyk harytlarynyň ulanylandygyny buýsanç bilen bellediler. «Alawly Türkmen» hususy kärhanasynyň ezber elli gurluşykçylary tarapyndan gurlan döwrebap ýaşaýyş jaýlarynyň açylyş dabarasy aýdym-saz toparlarynyň çykyşlary bilen utgaşdy.
Oguljeren ÇENDIROWA,
Türkmenistanyň Magtymguly adyndaky
Ýaşlar guramasynyň Balkan welaýat Geňeşiniň
Guramaçylyk bölüminiň baş hünärmeni.
