Golaýda şeýle şygar bilen Sakarçäge etrabyndaky 1-nji sport mekdepde sportuň kiokuşinkaý karate görnüşi boýunça ýaryş geçirildi. Türkmenistanyň Magtymguly adyndaky Ýaşlar guramasynyň Sakarçäge etrap Geňeşiniň etrabyň 1-nji sport mekdebi bilen bilelikde guramagynda ýaş türgenleriň gatnaşmagynda geçirilen ýaryş çekeleşikli häsiýete eýe boldy.
Bu ýaryşda ýaş türgenler öz ukyp-başarnyklaryny görkezip, ussatlar öňe saýlandylar. Gyzykly geçen ýaryşda Pälwan Çaryýew 1-nji, Merdan Sylabow 2-nji, Daýanç Muhammetsaparow 3-nji baýrakly orunlara mynasyp boldular. Ýeňiş gazanan türgenlere Türkmenistanyň Magtymguly adyndaky Ýaşlar guramasynyň Sakarçäge etrap Geňeşi tarapyndan ýadygärlik sowgatlary dabaraly ýagdaýda gowşuryldy.
Çäräniň ahyrynda oňa gatnaşanlar ata Watanymyzy sagdynlygyň we ruhubelentligiň ýurduna öwren Gahryman Arkadagymyzyň, Arkadagly Gahryman Serdarymyzyň adyna alkyş sözlerini aýtdylar.
Çynar HOŞGELDIÝEWA,
Türkmenistanyň Magtymguly adyndaky
Ýaşlar guramasynyň Sakarçäge etrap Geňeşiniň
Guramaçylyk bölüminiň esasy hünärmeni.
