Golaýda Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň hem-de Şatlyk şäher çagalar sungat mekdebiniň bilelikde guramagynda 2025-nji ýylyň «Halkara parahatçylyk we ynanyşmak ýyly» diýlip yglan edilmegi mynasybetli aýdym-sazly dabara geçirildi.
Şowhuna beslenen dabarada sungat mekdebiniň dutar hünäriniň 5-nji synp okuwçylarynyň ýerine ýetirmeginde ajaýyp aýdymlar belentden ýaňlandy. Bagtyýar döwrümizi wasp edýän aýdymlar dabara gatnaşyjylarda ýakymly täsir galdyryp, olara ruhy lezzet paýlady. Çärede çykyş eden okuwçylara Türkmenistanyň Magtymguly adyndaky Ýaşlar guramasynyň Mary welaýat, Sakarçäge etrap Geňeşleriniň adyndan Hormat hatlary we ýadygärlik sowgatlary gowşuryldy.
Çäräniň ahyrynda oňa gatnaşanlar ýurdumyzy ösüşlerden-ösüşlere alyp barýan Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Gülüstan NURYÝEWA,
Türkmenistanyň Magtymguly adyndaky
Ýaşlar guramasynyň Sakarçäge etrap Geňeşiniň
Guramaçylyk bölüminiň esasy hünärmeni.
