Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşi, etrabyň medeniýet merkezinde “Halkara parahatçylyk we ynanyşmak ýylyny” dabaralandyrmak maksady bilen, “Bagtyýarlygyň hem gözelligiň mekany” atly aýdym-sazly dabaraly maslahat geçirdi. Onda çykyş edenler ýylymyzyň şygarynyň döwletimiziň we jemgyýetimiziň agzybirlik, parahatçylyk hem-de ynanyşmak arkaly belent sepgitleri, beýik ösüşleri gazanýandygyny şöhlelendirýändigini, baky Bitarap Türkmenistanyň dünýäniň ähli döwletleri bilen yzygiderli ýöredýän hoşniýetli goňşuçylyk, birek-birege ynanyşmak we hormat goýmak, deňhukuklylyk, peýdaly hyzmatdaşlyk ýörelgelerine esaslanýan parahatçylyk söýüjilik daşary syýasatyny äleme ýaýýandygyny giňişleýin bellediler. Dabarada medeniýet we sungat işgärleriniň ýerine ýetiren aýdym-sazlary belentden-belent ýaňlandy.
Azada ORAZOWA,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Akdepe etrap Geňeşiniň esasy hünärmeni.
