Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap Geňeşi «Ýaşlyk» teleradioýaýlymy hem-de Daşoguz welaýat teleradiostudiýasy bilen bilelikde, welaýat kitaphanasynda «Galkynyş» milli at üstündäki oýunlar toparynyň Monte-Karloda geçirilen halkara sirk sungaty festiwalynda altyn we beýleki ýörite baýraklara mynasyp bolmagy mynasybetli, «Ady dünýä dolan behişdi bedewler» şygary bilen “tegelek stoluň” başynda söhbetdeşlik duşuşygyny geçirdi. Oňa Ýaşlar guramasynyň ýerli Geňeşiniň işgärleri we işjeň agzalary gatnaşdylar. Söhbetdeşlikde edilen çykyşlarda «Galkynyş» milli at üstündäki oýunlar toparynyň Monte-Karloda geçirilen halkara sirk sungaty festiwalynda altyn we beýleki ýörite baýraklara mynasyp bolmagy, Gahryman Arkadagymyzyň tagallalary bilen döredilen bu toparyň gazanan üstünlikleri, ýurdumyzda Arkadagly Gahryman Serdarymyzyň ýolbaşçylygynda atçylyk sungatyny gorap saklamakda, öwrenmekde, ösdürmekde, ony geljekki nesillere ýetirmekde durmuşa geçirilýän taryhy işler barada giňişleýin bellenildi.
Şamyrat NAZAROW,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Akdepe etrap Geňeşiniň esasy hünärmeni.
