Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Bagtyýarlyk etrap Geňeşiniň guramagynda Türkmenistanyň Magtymguly adyndaky milli sazly drama teatrynda talyp ýaşlaryň hem-de dürli edara-kärhanalarda zähmet çekýän ýaş hünärmenleriň gatnaşmaklarynda Aýdym-sazly gülki agşamy görkezildi.
TMÝG-niň Aşgabat şäheriniň Bagtyýarlyk etrap Geňeşiniň wekilleri, işjeň agzalary, şeýle hem edara-kärhanalarda zähmet çekýän ýaşlar we talyplar gyzykly sahna oýnunyň tomaşaçylary boldular.
Sahna oýnunda ýaşlaryň durmuşynda gabat gelýän ençeme pursatlar janlandyryldy. Olarda watansöýüjilik, wepadarlyk, adalatlylyk ýaly ynsanperwer häsiýetler hem öz beýanyny tapdy.
Serdar NAZAROW,
Türkmenistanyň Magtymguly adyndaky
Ýaşlar guramasynyň Bagtyýarlyk etrap
Geňeşiniň Guramaçylyk bölüminiň müdiri.
