Ýakynda Türkmenistanyň Magtymguly adyndaky Ýaşlar guramasynyň Balkan welaýatynyň Bereket etrap Geňeşiniň, etrap bilim bölüminiň bilelikde guramagynda 22-nji orta mekdebiniň okuwçylarynyň arasynda «Arassa, ruhy tämiz halk beýikdir» ady bilen wagyz-nesihat duşuşygy geçirildi.
Duşuşyga gatnaşanlar ýaş nesillerimiziň ähli taraplaýyn ösen, beden we ruhy taýdan sagdyn, ylymly-bilimli bolmagy, ýaşlary ata-babalarymyzyň nesilden-nesle geçip gelen watansöýüjilik, halallyk, ruhubelentlilik, päk ýüreklilik, arassa ahlaklylyk, zähmetsöýerlik ýaly häsiýetlerde terbiýelemek dogrusynda giňişleýin söhbet etdiler.
Duşuşygyň ahyrynda çykyş edenler ýaş nesil barada edýän çäksiz aladasy üçin Gahryman Arkadagymyza we Arkadagly Gahryman Serdarymyza alkyş sözlerini beýan etdiler.
Döwrandurdy ORAZDURDYÝEW,
Türkmenistanyň Magtymguly adyndaky
Ýaşlar guramasynyň Balkan welaýatynyň
Bereket etrap Geňeşiniň başlygy.
