Golaýda Magtymguly etrabynyň 19-njy orta mekdebiniň mejlisler zalynda Türkmenistanyň Magtymguly adyndaky Ýaşlar guramasynyň Merkezi Geňeşiniň, Bilim ministrligi bilen bilelikde ýurdumyzyň orta mekdepleriniň 2-4-nji synp okuwçy gyzjagazlaryň arasynda yglan eden «Iň eýjejik gyzjagaz-2025» atly şadyýan bäsleşiginiň Magtymguly etrap tapgyry geçirildi.
Okuwçy gyzjagazlar bäsleşigiň şertine laýyklykda bäsleşip, öz ukyp başarnyklaryny görkezdiler. Bäsleşikde birinji orna Magtymguly etrabynyň 4-nji orta mekdebiniň 3-nji synp okuwçysy Melike Röwşenowa, ikinji orna Magtymguly etrabynyň 13-nji orta mekdebiniň 4-nji synp okuwçysy Medine Meretmämmedowa, üçünji orna bolsa, Magtymguly etrabynyň 19-njy orta mekdebiniň 2-nji synp okuwçysy Rabiýa Amanmämmedowa mynasyp bolmagy başardylar. Bäsleşige gatnaşan ähli gyzjagazlara Türkmenistanyň Magtymguly adyndaky Ýaşlar Guramasynyň Balkan welaýatynyň Magtymguly etrap Geňeşi tarapyndan hormat hatlary we ýädygärlik sowgatlary gowşuryldy.
Bägül BOÝALYÝEWA,
Türkmenistanyň Magtymguly adyndaky
Ýaşlar guramasynyň Balkan welaýatynyň
Magtymguly etrap Geňeşiniň
başlygynyň w.w.ýe.ýe.
