Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň Görogly etrap Geňeşi, etrabyň medeniýet merkezinde “Sagdyn maşgala – sagdyn jemgyýet” atly wagyz-nesihat duşuşygyny geçirdi. Raýatlaryň, şol sanda ýaşlaryň arasynda sagdyn durmuş ýörelgelerini, maşgala mukaddesligini wagyz etmek maksady bilen geçirilen duşuşyga etrap häkimliginiň we ýerli jemgyýetçilik guramalarynyň jogapkär işgärleri, bilim, medeniýet, sport, saglygy goraýyş ulgamlarynda zähmet çekýän işgärler, il sylagly ýaşulular, mährem eneler gatnaşdylar. Duşuşykda çykyş edenler maşgala mukaddesligini gorap saklamakda, ýaş maşgalalaryň arasynda gabat gelýän nika bozulmalarynyň öňüni almakda, nesillerimizi terbiýelemekde sagdyn durmuş ýörelgeleri bilen bir hatarda, halkymyzyň asyrlar aşyp gelýän milli ýörelgelerimize salgylanmaklygyň ähmiýetiniň möhümdigi dogrusynda täsirli we giňişleýin bellediler.
Kamolbek SOBIROW,
Türkmenistanyň Magtymguly adyndaky
Ýaşlar guramasynyň Daşoguz welaýatynyň
Görogly etrap Geňeşiniň esasy hünärmeni.
