Ýakynda Türkmenistanyň Magtymguly adyndaky Ýaşlar guramasynyň Balkan welaýatynyň Bereket etrap Geňeşi, etrap bilim bölümi, etrap jemgyýetçilik guramalary bilen bilelikde guramagynda 22-nji orta mekdebinde ösüp gelýän nesillerde watançylyk ahlaklylyk, adalatlylyk, dogruçyllyk, ululara hormat goýmak, halkymyzyň taryhyna, däp-dessurlaryna, medeniýetine söýgi we tebigata aýawly garamak häsiýetlerini terbiýelemek maksady bilen «Bilimli ýaşlar watanmyzyň geljegi» ady bilen okuwçylaryň arasynda terbiýeçilik ähmiýetli wagyz-nesihat duşuşygy geçirildi.
Duşuşyga gatnaşanlar ruhy-ahlak gymmatlyklaryna we sagdyn durmuş ýörelgelerine ygrarlylygy kemala getirmek, watançylyk, ynsanperwerlik we zähmetsöýerlik ruhunda terbiýelemek dogrusynda giňişleýin gürrüň berdiler.
Duşuşygyň ahyrynda çykyş edenler ýurdumyzda ylym-bilim ulgamyny hemme taraplaýyn ösdürip, ýaşlarymyzyň döwrebap bilim almaklary üçin taýsyz tagallalary edýän, halkymyzyň ýagty geljegi ugrunda beýik işleri durmuşa geçirýän Gahryman Arkadagymyza, peder ýoluny mynasyp dowam etdirýän Arkadagly Gahryman Serdarymyza alkyş sözlerini beýan etdiler.
Gülälek ÝAGŞYMYRADOWA
Türkmenistanyň Magtymguly adyndaky
Ýaşlar guramasynyň Balkan welaýatynyň
Bereket etrap Geňeşiniň sanly ulgam
boýunça esasy hünärmeni.
