Arzuwlaryň hasyl bolýan ýurdynda, «Halkara parahatçylyk we ynanyşmak» ýylynda Milli bahar baýramy-Halkara Nowruz güni ýurdumyzyň ähli künjeginde şatlyk-şowhuna beslenip giňden bellenilýär. Şol maksat bilen Türkmenistanyň Magtymguly adyndaky Ýaşlar guramasynyň Balkanabat şäher Geňeşiniň Hazar şäherçe bölümçesiniň we şäherçäniň çagalar ýetginjekler we döredijilik öýi bilen bilelikde guramagynda «Hany bakaly, gyzlar» ady bilen okuwçy gyzlaryň arasynda bäşleşik geçirildi.
Bäsleşikde «Nowruz geldi ilime», «Ýaş artistler», «Owadan sen owadan», baýramçylyk işdäaçaryny taýýarlamak şertleri boýunça gyzlarymyz çekeleşikli bäsleşdiler.
Netijede 1-nji orna 33-nji orta mekdebiniň 10-njy synp okuwçysy Nurana Ataýewa, 2-nji orna 35-nji orta mekdebiniň 10-njy synp okuwçysy Esma Gurbanalyýewa, 3-nji orna 34-nji orta mekdebiniň 10-njy synp okuwçysy Orazbibi Aslanowa mynasyp boldylar. Ýeňijilere Türkmenistanyň Magtymguly adyndaky Ýaşlar guramasynyň Balkanabat şäher Geňeşi tarapyndan ýadygärlik sowgady gowşuryldy.
Baýramgül HEMRAYEWA,
Türkmenistanyň Magtymguly adyndaky
Ýaşlar guramasynyň Balkanabat şäher
Geňeşiniň Hazar şäherçe bölümçesiniň
baş hünärmeni.
