Ýaňy-ýakynda Lebap welaýatynyň Köýtendag etrabynyň 61-nji orta mekdebiniň mejlisler zalynda Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşiniň gurnamagynda 58-nji, 59-njy, 60-njy we 61-nji orta mekdeplerinde bilim alýan okuwçy gyzlarynyň gatnaşmaklarynda “Gyz edebi-ahlak gözelligi” atly wagyz-nesihat duşuşygy geçirildi.
Duşuşykda çykyş edenler etrabyň çäginde geçirilýän arassaçylyk işlerine ýakyndan ýardam bermek, il arasynda daşky gurşawy arassa saklamak, bag nahallaryny oturtmak, sagdyn durmuş ýörelgelerini berjaý etmek arassaçylygyň ähmiýeti barada giňişleýin gürrüň berdiler.
Duşuşygyň ahyrynda oňa gatnaşanlar ýaşlaryň döwrebap bilim almagy, olaryň ruhy we beden taýdan sagdyn bolmagy, edep-terbiýeli, giň dünýägaraýyşly, kämil şahsyýetler bolup ýetişmekleri ugrunda uly aladalar edýän Gahryman Arkadagymyzyň hem-de Arkadagly Gahryman Serdarymyzyň adyna alkyş sözlerini beýan etdiler.
Göwher MÖWLÝAMOWA,
Türkmenistanyň Magtymguly adyndaky
Ýaşlar Guramasynyň Lebap welaýatynyň
Köýtendag etrap Geňeşiniň guramaçylyk
bölüminiň esasy hünärmeni.
