Golaýda, Lebap welaýatynyň Köýtendag etrabynyň 19-njy orta mekdebinde Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşiniň hem-de Köýtendag etrap bilim bölüminiň bilelikde guramagynda, mekdebiň ýokary synp okuwçylarynyň gatnaşmagynda «Kämil ýaşlar röwşen geljegimizdir» ady bilen wagyz-nesihat duşuşygy geçirildi.
Onuň dowamynda Gahryman Arkadagymyzyň we Arkadagly Gahryman Serdarymyzyň taýsyz tagallalary bilen ýaşlaryň medeni-köpçülik çärelerine gatnaşmagy, zehinlerini kämilleşdirmegi, ylym-bilim babatda tejribe toplamagy, dünýä derejesinde ussat hünärmenler bolup ýetişmekleri barada giňden çykyşlar edildi.
Wagyz-nesihat duşuşygynyň ahyrynda oňa gatnaşanlar, Türkmenistan Watanymyzda ýaş nesilleriň kämil derejede ylym-bilim almagy, olaryň bagtyýar durmuşy, bagtly geljegi hakyndaky aladany ähli zatdan ileri tutýan Gahryman Arkadagymyza hem-de Arkadagly Gahryman Serdarymyza alkyş sözlerini aýtdylar.
Şahnoza GAPPAROWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Köýtendag etrap Geňeşiniň sanly
Ulgam boýunça esasy hünärmeni.
