Golaýda, Lebap welaýatynyň Seýitnazar Seýdi adyndaky döwlet sazly drama teatrynda Türkmenistanyň Magtymguly adyndaky Ýaşlar guramasynyň Lebap welaýat Geňeşiniň gurnamagynda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň döredilmeginiň 4 ýyllygy mynasybetli “Haýyr-sahawat nusgasy“ atly brifing duşuşygy geçirildi.
Brifing duşuşygyň dowamynda Türkmen gündogary gazetiniň habarçysy Agageldi Italmazow, Türkmenistanyň mejlisiniň Deputaty Lebap welaýat häkimliginiň hünärmeni Amangeldi Hezziýew, Lebap welaýat enäniň we çaganyň saglygyny goraýyş merkeziniň çagalar anistiziologiýa we reanimasiýa bölüminiň lukmany Merdan Rozykow, Lebap welaýatynyň Türkmenabat şäheriniň ýöriteleşdirilen 2-nji orta mekdebiniň mugallymy Oguljeren Sadykowa, Türkmenistanyň Magtymguly adyndaky Ýaşlar guramasynyň Lebap welaýat Geňeşiniň Umumy bölüminiň sanly ulgam boýunça esasy hünärmeni Leýla Amanowa dagylar ýurdumyzda Gahryman Arkadagymyzyň, Arkadagly Gahryman Serdarymyzyň saýasynda ösüp gelýän ýaş nesilleri durmuş taýdan goldamak, howandarlyga mätäç çagalaryň saglygynyň dikeldilmegine ýardam bermek, olaryň bagtyýar durmuşda ýaşamagy hem-de olarda Watana wepalylyk, ruhubelentlik, arassa ahlaklylyk, ynsanperwerlik, halallyk ýaly belent ynsan häsiýetleriniň kemala gelmegi üçin döredilýän amatly şertler barada özleriniň çykyşlarynda belläp geçdiler.
Duşuşygyň ahyrynda oňa gatnaşanlar ýurdumyzy ösüşlerden-ösüşlere alyp barýan Türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli, umumadamzat ähmiýetli beýik işleriniň elmydama rowaçlyklara beslenmegini tüýs ýürekden arzuw etdiler.
Aziz ROZMURADOW,
Türkmenistanyň Magtymguly adyndaky
Ýaşlar guramasynyň Lebap welaýat Geňeşiniň
Umumy bölüminiň müdiri.
