Golaýda Türkmenistanyň Magtymguly adyndaky Ýaşlar guramasynyň Balkan welaýat Geňeşi, Balkan welaýat ýörite sungat mekdebi hem-de Balkan welaýat medeniýet müdirligi bilen bilelikde guramaklarynda 3-4-nji synp okuwçylaryň arasynda «Parahatçylygyň waspçylary» atly şygar bilen döredijilik bäsleşigi geçirildi.
Bu bäsleşikde çagalaryň parahatçylyk, asudalyk we bagtyýarlyk sözlerinden ugur alyp, öz pikirlerini ak kagyza geçirmekleri örän begendirdi. Biziň ata Watanymyz bagtyýar çagalygyň Watany hasaplanmagy hem ýöne ýere däldir. Bäsleşikde ýurdumyzda çagalaryň bagtly-bagtyýar ýaşamaklary üçin yzygiderli geçirilýän çärelerdir, gyzykly duşuşyklaryň yzygider alnyp barylýandygy barada giňişleýin aýdyp geçildi. Bäsleşige gatnaşan okuwçylary Türkmenistanyň Magtymguly adyndaky Ýaşlar guramasynyň Balkan welaýat Geňeşi tarapyndan hormat hatlary we ýadygärlik sowgatlar gowşuryldy.
Bäsleşigiň ahyrynda Gahryman Arkadagymyza we Arkadagly Gahryman Serdarymyza alkyş sözleri aýdyldy.
Oguljeren ÇENDIROWA,
Türkmenistanyň Magtymguly adyndaky
Ýaşlar guramasynyň Balkan welaýat
Geňeşiniň guramaçylyk bölüminiň
baş hünärmeni.
