Ýakynda Türkmenistanyň Magtymguly adyndaky Ýaşlar guramasynyň «Türkmennebit» döwlet konserniniň şahamçasy tarapyndan Balkan welaýat Kitaphanasynda täze taryhy döwürde Hormatly Prezidentimiziň parasatly baştutanlygynda ýurdumyzyň Bitaraplyk ýörelgesi, parahatçylyga, dost-doganlyga gönükdirlen syýasatyny hem-de ýurdumyzyň Bäherden etrabynda ýerleşýän ýokary hilli Keramika önümlerini öndürýän täze önümçilik Kärhanasynyň açylyp ulanylmaga berilmegi mynasybetli söhbetdeşlik duşuşygy geçirildi.
Duşuşykda çykyş edenler Hormatly Prezidentimiz Arkadagly Gahryman Serdarymyzyň alyp barýan il-ýurt bähbitli işlerinden, ata Watanmyzyň gülläp ösmegi baradaky tagallalaryndan egsilmez ylham we güýç alýan halkymyz ykdysadyýetimiziň ähli pudaklarynda uly sepgitlere ýetýändigini hem-de mundan beýläk täze Keramika önümleri öndürýän zawod kuwwatlylygy we ýokary tehnologiýalylygy babatda Merkezi Aziýa sebitinde iň iri kärhanalaryň biri boljakdygy dogrusynda gürrüň berildi.
Söhbetdeşligiň ahyrynda ýaşlaryň Hak Howandary Gahryman Arkadagymyzyň hem-de ýurt baştutanymyz Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli, dünýä ähmiýetli beýik tutumlarynyň hemişe üstünliklere beslenmegini arzuw etdiler.
Annajemal NURJANOWA,
Türkmenistanyň Magtymguly adyndaky
Ýaşlar guramasynyň «Türkmennebit» döwlet
konserniniň şahamçasynyň sanly ulgam
boýunça esasy hünärmeni.
