Ýaňy-ýakynda Lebap welaýatynyň Çärjew etrabynyň 3-nji orta mekdebiniň sport zalynda Türkmenistanyň Magtymguly adyndaky Ýaşlar guramasynyň Lebap welaýatynyň Çärjew etrap Geňeşiniň guramagynda Bütindünýä saglyk güni mynasybetli ýaşlaryň boş wagtlaryny ýerlikli peýdalanmagyny, olaryň bidüzgünçiliklerden, ýaramaz endiklerden daşda durmaklaryny gazanmak, şeýle hem ýaşlary köpçülikleýin sporta çekmek maksady bilen «Sport sagdyn durmuşyň gözbaşy!» ady bilen sportuň gandibol görnüşi boýunça sport çäresi geçirildi. Ýaryşda çagalar öz ukyp başarnyklaryny görkezip, gurnaýjylar tarapyndan hormat hatylara mynasyp boldular.
Çäräniň ahyrynda oňa gatnaşan çagalar özleri üçin döredilýän şertler, mümkinçilikler üçin Gahryman Arkadagymyza, Arkadagly Gahryman Serdarymyza öz alkyşlaryny beýan etdiler.
Abadan DÖWLETGELDIÝEWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Çärjew etrap Geňeşiniň guramaçylyk
bölüminiň esasy hünärmeni.
