Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Büzmeýin etrap Geňeşiniň etrap häkimligi, Türkmenistanyň Demokratik partiýasynyň Büzmeýin etrap komiteti bilen bilelikde guramagynda Aşgabat şäheriniň 95-nji orta mekdebinde bilim alýan ýokary synp okuwçylarynyň gatnaşmagynda wagyz-nesihat duşuşygy geçirildi.
Duşuşygyň dowamynda çykyş edenler ýaş raýatlaryň hukuklaryny goramak, ýaş maşgalalary durmuş-ykdysady taýdan goldamak, sagdyn, bilimli, ýokary aň-düşünjeli, watansöýüji ýaş nesilleri kemala getirmek ugrunda alnyp barylýan netijeli işler dogrusynda giňişleýin gürrüň etdiler.
Çäräniň ahyrynda oňa gatnaşanlar ýaşlaryň röwşen geljegi, halkymyzyň abadan durmuşda ýaşamagy ugrunda uly aladalar edýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Mährijemal ATAÝEWA,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Büzmeýin etrap Geňeşiniň Guramaçylyk
bölüminiň müdiri.
