Ýakynda Türkmenistanyň Magtymguly adyndaky Ýaşlar guramasynyň Mary welaýatynyň Garagum etrap Geňeşiniň etrap Polisiýa bölüminiň kämillik ýaşyna ýetmedikleriň işi baradaky bölümi we etrap bilim bölümi bilen bilelikde guramagynda etrabyň 23-nji orta mekdebiniň ýokary synp okuwçylarynyň we olaryň ata-eneleriniň gatnaşmagynda wagyz-nesihat duşuşygy geçirildi.
Duşuşygyň dowamynda çykyş edenler ýaşlaryň hemmetaraplaýyn ösen, beden we ruhy taýdan sagdyn, ylymly-bilimli bolmagyny gazanmakda, olarda watansöýüjilik, halallyk, päkýüreklilik, zähmetsöýerlik ýaly häsiýetleri terbiýelemekde öňde durýan wezipeler dogrusynda giňişleýin gürrüň etdiler.
Wagyz-nesihat çäresiniň ahyrynda oňa gatnaşanlar jemgyýetiň ösüşi, halkyň eşretli durmuşy, nesilleriň abadançylygy ugrunda netijeli işleri alyp barýan Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Ýazmyrat ANNAGURBANOW,
Türkmenistanyň Magtymguly adyndaky
Ýaşlar guramasynyň Mary welaýatynyň
Garagum etrap Geňeşiniň baş hünärmeni.
