Golaýda Mary welaýat häkimliginiň hem-de welaýat jemgyýetçilik guramalarynyň bilelikde guramagynda welaýat taryhy we ülkäni öwreniş muzeýiniň öňündäki meýdançada her ýylyň maý aýynyň soňky ýekşenbesinde bellenilip geçilýän türkmen halysynyň baýramy mynasybetli aýdym-sazly baýramçylyk çäresi geçirildi.
Baýramçylyk çäresiniň çäklerinde guralan türkmen halkynyň medeni mirasyny şöhlelendirýän nepis halylaryň sergisi, welaýatyň medeniýet we sungat işgärleriniň ýerine ýetirmeginde ýaňlanan şirin owazly aýdym-sazlar, türkmen halysynyň, ata Watanymyzyň ösüşleriniň waspyny ýetirýän ajaýyp mukamlar dabara gatnaşyjylarda ýakymly täsir galdyrdy.
Baýramçylyk dabarasynyň ahyrynda oňa gatnaşanlar türkmen halkynyň milli medeniýetine, sungatyna, däp-dessurlaryna belent sarpa goýýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli, döwlet ähmiýetli tutýan tutumly işleriniň mundan beýläk hem rowaçlyklara beslenmegini tüýs ýürekden arzuw etdiler.
Laçyn KAKAJANOWA,
Türkmenistanyň Magtymguly adyndaky
Ýaşlar guramasynyň Mary welaýat
Geňeşiniň Umumy bölüminiň müdiri.
