Ýakynda Aşgabadyň dokma toplumynyň Magtymguly adyndaky ilkinji Ýaşlar guramasynyň guramagynda toplumyň zähmetkeş gelin-gyzlarynyň gatnaşmagynda «Ýaşlar Watanymyzyň geljegidir» atly wagyz-nesihat duşuşygy geçirildi.
Çäräniň dowamynda çykyş edenler Berkarar döwletiň täze eýýamynyň Galkynyşy döwründe watansöýüji, zähmetsöýer, milli däp-dessurlarymyza ygrarly, ýokary derejeli ylym-bilimli kämil nesilleri terbiýeläp ýetişdirmegiň esasy ýörelgelerimiziň biridigi, ýurdumyzyň barha gülläp ösmeginde, Watanymyzyň şan-şöhratynyň has-da belent derejelere göterilmeginde ýaşlaryň mynasyp ornunyň bardygy dogrusynda gürrüň etdiler.
Çäräniň ahyrynda oňa gatnaşanlar ýaşlaryň ylym-bilim öwrenmegi, döredijilikli zähmet çekmegi üçin ähli şert-mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Nurjemal NEPESOWA,
Aşgabadyň dokma toplumynyň
Magtymguly adyndaky IÝG-niň
sanly ulgam boýunça hünärmeni.
