Türkmenistanyň Magtymguly adyndaky Ýaşlar guramasynyň Mary welaýatynyň Mary etrap Geňeşiniň hem-de etrap bilim bölüminiň bilelikde guramagynda etrabyň 2-nji çagalar bakja-bagynda Çagalary goramagyň halkara güni mynasybetli «Biz bagtyýar çagalar» ady bilen aýdym-sazly baýramçylyk dabarasy geçirildi.
Gyzykly geçen çäräniň dowamynda körpe nesiller öz ukyp-başarnyklaryny aýdym-sazyň, goşgularyň üsti bilen açyp görkezdiler, şeýle hem mukaddes Garaşsyzlygymyzy, hemişelik Bitaraplygymyzy, eziz Watanymyzy wasp etýän ajaýyp aýdymlary ýerine ýetirdiler.
Baýramçylyk dabarasynyň ahyrynda oňa gatnaşanlar ýaşlaryň döwrebap bilim almagy, ylym öwrenmegi, döredijilik we sport bilen meşgullanmagy ugrunda döredip berýän şert-mümkinçilikleri üçin türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Mukam SALAROW,
Türkmenistanyň Magtymguly adyndaky
Ýaşlar guramasynyň Mary welaýatynyň
Mary etrap Geňeşiniň başlygy.
